الرئيسية / اطباق / اطباق رئيسية / البرجر البيتى بالفول الصويا

البرجر البيتى بالفول الصويا

برجر صحي و مضمون لك و لاطفال اعمليه بايدك فى البيت و البهنا و الشفا

البرجر البيتى بالفول الصويا

المقادير

  • 1/2 كيلو لحمه مفرومه
  • معلقه بابريكا
  • 2 معلقه كاتشب
  • معلقه صغيره ثوم بودره
  • معلقه صغيره بصل بودره
  • ملح
  • فلفل اسود
  • كمون
  • 1/8 .فول صويا
  • بهارات لحمه

طريقة التحضير

1. نجيب الفول الصويا وننقعه فى مايه دافئه لمده ساعه وبعدين نصفيه ونعسره كويس على شان اللحمه متفكش
2. وبعدين نحط عليه اللحمه وعليها الكاتشب والفلفل والملح والكمون والبهارات والثوم والبصل والبابريكا ونقلب بايدينا كويس
3. وبعدين نحط اللحمه فى الكبه تاخد لفتين على شان المكونات تندمج كلها مع بعض
4. ثم نجيب غطاء علبه الجبنه المثلثات اللى فوق ونحط عليه كيس بلاستيك مفتوح على شان اللحمه متلزقش فيه
5. ونبدا نحط اللحمه فيه ونضغط بايدينا لحد منعمل قرص مضغوط
6. وفى علبه او طبق فل نحط كيس ونبدا نرص البرجر وبين كل واحده وواحده نحط كيس
7. لحد منخلص خالص غالبا النص كيلو بيعمل من 10 الى 12 قرص برجر على حسب انتى بتحطى لحمه اد ايه ومتكتريش اوووى على شان تستوى على النار كويس وبعدين غطيها ودخليها الفريزر
8. يفضل انها تدخل الفريزر شويه قبل متعمليها على النار لو مستعجله مفيش مشكله وكده خلصنا وعملنا برجر نضيف جوه البيت وافضل بكتير من بره

عن بنوتة

x

‎قد يُعجبك أيضاً

تنظيف الخلاط

لتنظيف الخلاط من البيض واللبن أو أى مواد دهنية عموما ، يمكن بوضع كمية من ...