سلق الكوارع

الكوارع و ما ادراك ما الكوارع و طبعا دي فكرة غلط جدا سلق الكوارع تقريبا زي سلق اللحمة بس الفرق في التنظيف و مدة السلق و طرق التقديم مش هطول تعالوا نبدا

المكونات :

كوارع مقطعة مخلية او بالعظم

بصلة كبيرة او اتنين

ملح و فلفل حب

حبهان و مستكة و ورق لورا

جزرة

عيدان كرفس

طريقة التحضير :

اولا هنغسل الكوارع بالملح و الدقيق و لازم ننقعها في ماء و خل حوالي ربع ساعة و ننزع اى شعر فيها

ثانيا في ماء مغلي علي النار هنزل الكوارع بعد شطفها من الماء و الخل تغلة مرتين بس

ثالثا هنصفيها و نغسلها من ماء الغلي و اي ريم طلع على وش الماء

الان هنغلي ماء فيه فلفل حب و بصل و جزر و كرفس ومستكة و حبهان و ورق لورا مش هنحط الملح الان و اول يغلي الماء هنزل الكوارع و بتاخد تقريبا من ساعتين الى ساعتين و نصف

في اخر ربع ساعة هنضيف الملح و نسيبها تغلي حتى تتملح الكوارع و بالهنا

التركات

١- اشتري الكارع الخلفي بيكون افضل و اغنى و مليان اكتر

٢- لو هتخلي الجزار يخليها سيبي قطعتين بالعظم لحتى تتقلي الشوربة

٣- ممكن تحطي معلقة سكر في ماء الغلي بسهل التسوية و يسرعها بس ده اختياري

في الاخر بتتقدم الكوارع او محمرة او طاجن بالصلصة و بطق اخرى كتير هنتكلم عنها بالتاكيد