طريقة سلق اللحمة

اللحمة المسلوقة اسهل طرق طبخ اللحمة و دي اسهل طريقة

المكونات لاربع افراد

نص كيلو لحمة

ملح و فلفل و ورق لورا و حبهان و مستكة

معلقة سمنة او زبدة او زيت

بصلة

جزرة

و الطريقة : 

حطي الزيت او السمن او الزبدة و سخنيهم في الحلة و نزلي اللحمة و المستكة و الحبهان و ورق اللورا و نقلب اللحمة لحد ما تاخد لون ( نشوحها يعني )

هنحط عليها البصل و الجزر و ماء ساخن يغطي اللحمة تقريبا بثلاث اصابع

لتسوية اسرع و اسهل حطي نص معلقة سكر بطري اللحمة و بتقلل وقت التسوية للنص

تقريبا بعد ٤٥ دقيقة نضيف الملح و نغليها خمس دقائق و نشوف اذا استوت او لا و فى الغالب استوت و بالهنا اجمل لحمة و اجمل شوربة