عصاج اللحمة المفرومة

عصاج اللحمة المفرومة من اهم الحاجات اللي لازم تتعلميها في المطبخ لان بنستخدمها في كتير اكلات 

بتستخدم فى البشامل و الطواجن و صواني الباستا المختلفة و المقلوبة و السمبوسك و…….

نشوف المقادير :

نص كيلو لحمة مفرومة

بصلتين

ملح و فلفل و بهارات لحمة و هيل مطحون

زيت

طريقة التحضير :

هنفرم البصل و نحطه في الزيت على النهار حتي يصفر مش هنغمق لونه

هنضيف اللحمة المفرومة و الفلفل و الهيل و البهارات و نقلب لحد ما تاخد كلها اللون البني و تستوي

دلوقت هنضيف الملح و نقلب مرتين و نطفي النار و بالهنا

دي الطريقة الاصلية تعالوا نشوف تركاتي

و انا بافرم البصل باضيف معاه جزرة صغيرة و فص ثوم و فلفلة صغيرة و باشوحهم مع البصل ع النار و بعدين باضيف اللحمة و جربوها هتشموا اجمل ريحة و تدوقوا اجمل طعم و كمان رفعنا قيمتها الغذائية باضافة الخضار 

.