سلق الارانب

الارانب من اطيب انواع اللحوم و شوربة الارنب مفيدة جداا للجهاز الهضمي و كتير بيخافو من تنضيف الارنب و سلقه و دي طريقتي لاطعم ارنب

المكونات

ارنب مقطع

ملح و فلفل

مستكة و حبهان

بصلتين

ليمون و دقيق لغسيل الارنب

الطريقة :

اولا هنغسل الارنب بالماء الجاري و الملح و الدقيق و الليمون و لو اتغسل كده مش محتاج غير نبدا في السلق فورا

لو قلقانة لسه منه هنغلي ماء مع بصلة و فلفل حب و نزله يغلي غلوة واحدة و نغسلة بالماء

ثانيا هنبدا السلق في حلة او طنجرة بنحط ماء مغلي مع بصلة و ملح و فلفل الافضل مجروش او حب و ورق لورا و مستكة و حبهان يغلوا سوا و نزل الارنب و بس خلاص

الارنب بياخر حوالي عشرين دقيقة الى نصف ساعة حسب حجمه

بعد كده هنعفره بالدقيق و نحمره في زيت او سمنة او زبدة وقدميه بالهنا